Trefnir yr ymchwil gan Brifysgol Manceinion a Phrifysgol Caeredin. Mae’r Gymdeithas Genedlaethol i Blant Byddar wedi gofyn i’r prifysgolion wneud yr ymchwil hwn.

Cymeradwywyd yr ymchwil gan Bwyllgor Moeseg Ymchwil Prifysgol Rhif 2 [Cyf: 2019-4903-10668], grŵp o bobl sy’n gweithio i ddiogelu eich diogelwch, hawliau, lles ac urddas.

Ie.  Mi fydd yr astudiaeth READY yn cyhoeddi ei chanlyniadau yn Saesneg ysgrifenedig ac yn Iaith Arwyddion Prydain. Mi fydd y wybodaeth ar gael ar wefan astudiaeth arbennig yn ogystal â chael ei chyhoeddi mewn llyfrau a phapurau academaidd. Mi fydd aelodau tîm yr astudiaeth hefyd yn rhoi cyflwyniadau am yr hyn rydyn ni’n ei ddarganfod.

Rydyn ni wedi gofyn i chi i gymryd rhan mewn cyfweliadau oherwydd rydych yn barod yn rhan o’r astudiaeth READY a dywedoch fod diddordeb gennych mewn cael cyfweliad.

Efallai bydd yna dau berson a fydd yn gwneud y cyfweliad gyda chi. Mi fydd y cyntaf yn ymchwiliwr profiadol iawn o naill ai Prifysgol Manceinion neu Brifysgol Caeredin. Yr ail berson a gall fod gyda nhw bydd person ifanc byddar fel chi sydd wedi cael hyfforddiant arbennig i gynnal cyfweliad gyda pherson ifanc byddar arall. Mae hyn yn golygu byddwch yn siarad â rhywun o oedran tebyg i chi sydd hefyd yn cael profiad o fod yn fyddar. Mi fydd pob ymchwiliwr sy’n gwneud cyfweliadau wedi cael gwiriad lefel ehangach gan y GDG drwy Brifysgol Manceinion neu Brifysgol Caeredin i sicrhau eu bod yn gymwys i wneud y gwaith hwn. Mi fydd pob un o’r cyfwelwyr yn gallu addasu eu dull cyfathrebu / iaith fel ei fod mwyaf addas i chi (Saesneg llafar, Saesneg â chymorth arwyddion,  Iaith Arwyddion Prydain, ayb).

Mi fydd aelod o’r tîm ymchwil yn cysylltu â chi i drefnu amser i’ch cwrdd â chi wyneb yn wyneb. Gallwch ddewis yr amser a’r lle i gwrdd. Gallwch ddarllen y daflen wybodaeth hon a gofyn unrhyw gwestiynau cyn ichi gwrdd â’r cyfwelydd (e-bost: READY@manchester.ac.uk), yn ogystal ag ar y diwrnod hefyd. Os ydych yn hapus i fynd ymlaen, gofynnir i chi gwblhau ffurflen ganiatâd i ddweud eich bod chi’n cytuno i gael y cyfweliad. Wedyn bydd y cyfwelydd yn gofyn sawl cwestiwn i chi am eich bywyd bob dydd, ffrindiau, defnydd iaith, lles ac annibyniaeth. Caiff y cyfweliad ei recordio gyda chamera digidol neu recordydd sain. Mi fydd y cyfweliad yn para tua 90 munud. Hoffwn wneud cyfweliad gyda chi bob blwyddyn am bedair blynedd, ond byddwn ni’n siarad gyda chi o flaen llaw bob blwyddyn i sicrhau eich bod chi dal eisiau cymryd rhan yn y cyfweliad.

Ni fyddwn yn eich talu chi i gymryd rhan yn y cyfweliad, ond os bydd rhaid i chi dalu i deithio i’r cyfweliad, byddwn yn eich talu chi yn ôl. Byddwn hefyd yn rhoi tocyn £20 i chi bob blwyddyn, ar ôl i chi gael cyfweliad i ddweud diolch.

Eich dewis chi yn hollol yw cymryd rhan yn y cyfweliad neu beidio. Gallwch ddarllen y daflen wybodaeth hon a gofyn unrhyw gwestiwn i’r tîm ymchwilio, neu siarad â phobl eraill (e.e. ffrindiau neu deulu) cyn i chi benderfynu.

Os ydych chi’n penderfynu cymryd rhan, gofynnir i chi lofnodi ffurflen ganiatâd sy’n dangos eich bod chi’n deall ac yn cytuno i gael y cyfweliad. Caiff y cyfweliadau eu recordio gyda chamerâu digidol neu recordyddion sain. Mae’n rhaid i ni recordio’r cyfweliadau fel y gallwn wirio unwaith eto beth ddywedoch chi’n ddiweddarach. Os nad ydych chi’n hapus i gael eich recordio, ni fydd y cyfweliad yn mynd yn ei flaen.

Gofynnwn i chi hefyd i gytuno i gael eich cysylltu eto mewn blwyddyn fel y gallwn drefnu’r cyfweliad nesaf. Bob blwyddyn gofynnwn i chi i gael cyfweliad, gofynnir i chi gwblhau ffurflen ganiatâd eto. Mae hyn er mwyn sicrhau eich bod chi eisiau cymryd rhan. Gallwch ddewis i beidio parhau gyda’r cyfweliadau pan ydyn ni’n cysylltu â chi bob blwyddyn (ond gallwch barhau gyda’r arolygon os ydych chi eisiau). Darparwn lythyr syml i chi y gallwch anfon atom drwy’r post neu e-bost i ddweud eich bod chi ddim am gymryd rhan mwyach. Does dim rhaid i chi esbonio pam. Ond, ni fydd yn bosib dileu eich data o’r astudiaeth ar ôl iddynt gael eu cynnwys yn y dadansoddiad (mi fydd hyn yn digwydd o fewn un mis). Nid yw hyn yn cael effaith ar eich hawliau diogelu data.

Os ydych chi’n newid eich meddwl yn ystod y cyfweliad, rydych chi’n rhydd i roi terfyn ar y cyfweliad ar unrhyw bryd heb orfod rhoi rheswm.

Oherwydd eich bod chi’n barod yn cyfrannu i’r astudiaeth READY, yn barod mae gennym rywfaint o wybodaeth a gall eich adnabod. Gelwir hyn yn “wybodaeth bersonol adnabyddadwy”. Yn benodol, rydych wedi dweud wrthym yn barod:

• Eich enw
• Eich rhyw
• Eich cefndir ethnig
• Eich oedran
• Eich manylion cyswllt (e.e. rhif testun, e-bost, cyfeiriad cartref a chôd post)

Oherwydd byddwn yn recordio eich cyfweliad, mi fydd yn bosib gweld eich wyneb a’ch dwylo (neu eich llais, os ydyn ni’n recordio’r sain), mi fydd y recordiadau hyn hefyd yn “wybodaeth bersonol adnabyddadwy”.

Rydyn ni’n casglu a chadw’r wybodaeth adnabyddadwy bersonol hon yn unol â chyfreithiau diogelu data sy’n diogelu eich hawliau. Mae’r gyfraith yn ein galluogi ni i gasglu a chadw manylion personol oherwydd mae’n “dasg er budd y cyhoedd” ac yn “broses sy’n angenrheidiol ar gyfer dibenion ymchwil”.

Mae gennych sawl hawl o dan gyfraith diogelu data, yn cynnwys yr hawl i weld unrhyw wybodaeth rydych chi wedi’i rhannu gyda ni, yn cynnwys yr hawl i ofyn am gopi o unrhyw recordiad ohonoch chi rydyn ni’n ei wneud. Of hoffech wybod mwy am eich hawliau neu i wybod y rheswm cyfreithiol rydyn ni’n casglu a defnyddio eich gwybodaeth, darllenwch yr Hysbysiad Preifatrwydd ar gyfer Cyfranogwyr Ymchwil neu siaradwch â’ch rhiant / gwarchodwr. Mae’r hysbysiad preifatrwydd hwn hefyd ar gael yn Iaith Arwyddion Prydain, a fformat Hawdd ei Ddeall.

Dim ond y tîm ymchwil fydd yn cael mynediad at wybodaeth amdannoch chi a’ch manylion cyswllt a sicrhawn byddant yn cael eu cadw’n ddiogel. Byddwn yn dilyn y gyfraith diogelu data.

Prifysgol Manceinion yw’r Rheolydd Data ar gyfer y prosiect hwn, sy’n golygu mai ni sy’n gyfrifol am sicrhau bod eich gwybodaeth bersonol yn cael ei chadw’n ddiogel, yn gyfrinachol ac yn cael ei defnyddio yn y modd a ddywedwyd wrthych. Mae pob ymchwiliwr ar y prosiect READY wedi derbyn hyfforddiant i wneud hyn a byddwn yn sicrhau y cedwir eich gwybodaeth yn ddiogel.

Ni fyddwn yn datgelu enwau unrhyw un sydd wedi cymryd rhan yn yr astudiaeth READY. Ond, weithiau efallai bydd rhaid i ni ddweud wrth bobl arall os ydyn ni’n poeni amdanoch chi neu os ydych chi’n dweud wrthym am rywbeth sy’n torri’r gyfraith. Er enghraifft:

• Os, yn ystod yr astudiaeth, rydyn ni’n pryderu am eich diogelwch neu ddiogelwch rhywun arall, bydd rhaid i ni ddweud wrth yr awdurdodau/pobl berthnasol.
• Os, yn ystod yr astudiaeth, rydych chi’n dweud wrthym am weithgareddau anghyfreithlon sy’n digwydd nawr neu yn y dyfodol rydyn ni o dan orfodaeth gyfreithlon i adrodd hyn ac felly bydd rhaid i ni ddweud wrth yr awdurdodau / pobl berthnasol.

Defnyddir ffugenwau am yr holl wybodaeth rydych chi’n ei rhoi i ni yn ystod y cyfweliadau. Mae hyn yn golygu y byddwn yn creu côd cyfrinachol ar eich cyfer ac yn sicrhau bod eich enw yn cael ei gadw mewn lle gwahanol i weddill y wybodaeth rydych chi’n ei rhoi i ni. Mi fydd aelodau’r tîm ymchwil neu gyflenwyr sydd wedi’u cymeradwyo gan y Brifysgol yn trawsgrifio eich cyfweliad (mae hynny’n golygu byddant yn ysgrifennu’r hyn a ddywedir yn y cyfweliad). Mi fydd y trawsgrifydd yn dileu unrhyw wybodaeth bersonol adnabyddadwy o’r trawsgrifiad.

Byddwn yn cadw’r wybodaeth rydych chi’n rhoi i ni am chwe blynedd ar ôl ddiwedd yr astudiaeth ymchwil. Ar ôl i’r astudiaeth orffen byddwn yn casglu atebion dienw i’r holiaduron o bawb sydd wedi cymryd rhan a chedwir y rhain mewn archif ddata ddiogel er mwyn i ymchwilwyr eraill gael eu defnyddio yn y dyfodol.

• Mi fydd yn amhosib i unrhyw un i gysylltu eich gwybodaeth bersonol gyda thrawsgrifiadau’r cyfweliad a rhoddir yn yr archif.
• Ni fyddwn yn trosglwyddo eich manylion personol (fel eich enw a’ch manylion cyswllt) i’r archif.
• Ni fyddwn yn rhoi’r recordiadau gwreiddiol sy’n dangos eich wyneb neu’n cynnwys eich llais yn yr archif.

Gofynnwn i chi ar ddiwedd yr astudiaeth (neu’n gynt os ydych chi’n penderfynu gorffen) a fyddech yn rhoi’ch caniatâd i ni i gadw eich enw a’ch manylion cyswllt yn ddiogel ym Mhrifysgol Manceinion am gyfnod o 15 mlynedd. Mae hyn oherwydd efallai byddwn ni eisiau cysylltu â chi eto yn y dyfodol am astudiaethau ymchwil eraill. Os nad ydych chi am i ni gadw’ch manylion cyswllt, byddwn yn eu dinistrio ar ddiwedd eich cyfranogiad yn astudiaeth READY ac yn dweud wrthych ein bod ni wedi’i wneud.

Noder mae’n bosib bydd angen i unigolion o Brifysgol Manceinion neu awdurdodau rheoleiddio edrych ar y data a gesglir fel rhan o’r astudiaeth i sicrhau bod y prosiect yn cael ei gynnal fel y cynlluniwyd. Gall hyn gynnwys edrych ar ddata adnabyddadwy. Mi fydd gan bob unigolyn sy’n archwilio a monitro’r astudiaeth ddyletswydd o gyfrinachedd lem i chi fel cyfranogwr ymchwil.

Gallwch gysylltu â’r tîm ymchwil yn uniongyrchol. Mae’r manylion isod. Os bydd yn well gennych gysylltu â rhywun annibynnol, gallwch gysylltu â:

The Research Governance and Integrity Officer, Research Office, Christie Building, The University of Manchester, Oxford Road, Manchester, M13 9PL, trwy e-bost: research.complaints@manchester.ac.uk  neu drwy ffonio 0161 275 2674.

Os hoffech ofyn am eich hawliau diogelu data, anfonwch e-bost at dataprotection@manchester.ac.uk neu ysgrifennwch at The Information Governance Office, Christie Building, The University of Manchester, Oxford Road, M13 9PL. Byddent yn eich arwain trwy’r broses o arfer eich hawliau.

Hefyd mae gennych yr hawl i wneud cwyn i Swyddfa’r Comisiynydd Gwybodaeth am gwynion mewn perthynas â’ch gwybodaeth adnabyddadwy bersonol drwy sgwrs destun fyw ar ei wefan neu Ffôn  0303 123 1113